USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ Senatı həbsdə olan jurnalistlərin azadlığa buraxılmasını tələb edib
ABŞ Senatı beynəlxalq mətbuat azadlığı ilə bağlı qətnamə qəbul edərək müxtəlif ölkələrdə həbsdə olan jurnalistlərin azad olunmasına çağırış edib.
Qətnamədə Azərbaycanda həbsdə olan jurnalistlərdən Sevinc Vaqifqızı və Fərid Mehralızadənin adları xüsusi qeyd olunub. Onlar “Abzas Media işi” üzrə ittiham edilərək azadlıqdan məhrum ediliblər.
Sənəddə vurğulanır ki, “Sərhədsiz Reportyorlar” təşkilatının indeksinə əsasən, dünyada mətbuat azadlığının vəziyyəti son 25 ilin ən aşağı səviyyəsinə düşüb və bir çox ölkələrdə ciddi geriləmə müşahidə olunur.
Qətnamə həmçinin ABŞ rəhbərliyini jurnalistlərin müdafiəsi, onların azad olunması və mətbuat azadlığının qorunması istiqamətində daha aktiv addımlar atmağa çağırır.
Qeyd olunur ki, “Abzas Media işi” çərçivəsində ümumilikdə bir neçə jurnalist müxtəlif müddətlərə azadlıqdan məhrum edilib və onlar ittihamları rədd edərək fəaliyyətlərinə görə cəzalandırıldıqlarını bildirirlər.
