USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Cinayətdə şübhəli bilinən 52 nəfər saxlanılıb
İyulun 26-sı və 27-də ölkə ərazisində hüquq-mühafizə orqanları tərəfindən həyata keçirilən əməliyyat tədbirləri nəticəsində ümumilikdə 68 cinayətin üstü açılıb. Bunlardan 67-si son iki gün ərzində baş verib, biri isə əvvəlki dövrlərə aid olub.
Bu barədə Daxili İşlər Nazirliyinin Mətbuat Xidməti məlumat yayıb. Bildirilib ki, cinayətlərin açılması ilə yanaşı, müxtəlif səbəblərlə axtarışda olan ümumilikdə 26 nəfər saxlanılıb. Onlardan 13-ü məhkəmə qərarı ilə borclu şəxs qismində axtarışa verilmişdi.
Əməliyyatlar zamanı narkotik vasitələrin qanunsuz dövriyyəsi ilə bağlı 27 fakt aşkar edilib. Həmçinin, qanunsuz saxlanılan silah-sursatla bağlı 11 fakt müəyyən olunaraq müvafiq tədbirlər görülüb.
Cinayət törətməkdə şübhəli bilinən ümumilikdə 52 nəfər polis əməkdaşları tərəfindən saxlanılaraq istintaqa cəlb edilib.
Hazırda faktlarla bağlı araşdırmalar davam etdirilir.
