USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Lökbatanda yanğın törədən şəxs saxlanılıb
İyulun 28-də saat 11 radələrində Bakı şəhərinin Qaradağ rayonu, Lökbatan qəsəbəsində yerləşən qamışlıq sahədə baş verən yanğınla bağlı hüquq-mühafizə orqanları operativ tədbir həyata keçirib. Yanğının qəsdən törədildiyi müəyyən edilib.
Daxili İşlər Nazirliyinin Mətbuat Xidmətinin verdiyi məlumata görə, hadisəni törətməkdə şübhəli bilinən şəxs – 1996-cı il təvəllüdlü Kənan Aslanov polis əməkdaşları tərəfindən saxlanılıb.
Məlumata əsasən, Kənan Aslanovun sağlamlıq vəziyyəti nəzərə alınaraq barəsində qanunvericiliyə uyğun müvafiq tədbir görülüb. Hadisənin dəqiq motivləri və təfərrüatları araşdırılır.
Qeyd edək ki, yanğın nəticəsində ərazidəki təbii örtüyə ciddi ziyan dəyib. Hadisə yerinə cəlb olunan yanğınsöndürmə qruplarının səyi nəticəsində alov qısa müddətdə söndürülüb və geniş əraziyə yayılmasının qarşısı alınıb.
Faktla bağlı araşdırmalar davam etdirilir.
