USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
DİN-dən narkotik əməliyyatı – Saxlanılanlar var
Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinə qarşı mübarizə tədbirləri davam etdirilir. Bu çərçivədə Binəqədi rayonunda keçirilən əməliyyat zamanı narkoşəbəkənin daha iki üzvü saxlanılıb.
Əməliyyat nəticəsində 47 yaşlı Elnur Hacıyev və 29 yaşlı Əkbər Kərimov tutulub. Onların idarə etdiyi avtomobil və istifadə etdikləri gizli saxlanc yerinə baxış keçirilərkən ümumi çəkisi 24 kiloqram olan, tərkibinə zərərli maddələr qatılmış marixuana aşkarlanıb.
İlkin istintaq zamanı məlum olub ki, saxlanılan şəxslər İran vətəndaşı olan bir şəxslə cinayət əlaqəsinə giriblər. Onlar narkotik vasitələri Yardımlı və Binəqədi rayonlarından götürərək, maddi qazanc əldə etmək məqsədilə satışını təşkil etməyi planlaşdırıblar.
Faktla bağlı cinayət işi başlanılıb. Məhkəmənin qərarı ilə Elnur Hacıyev və Əkbər Kərimov barəsində həbs qətimkan tədbiri seçilib. DİN əməliyyatların davam etdiyini bildirir.
