USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı Hava Limanında BRİLYANT ƏMƏLİYYATI: Qaş qaçaqmalçılığına cəhdin qarşısı alındı
Bakı Beynəlxalq Hava Limanında gömrük əməkdaşları tərəfindən brilyant qaşların qaçaqmalçılıq yolu ilə ölkəyə gətirilməsinin qarşısı alınıb.
Bu barədə Dövlət Gömrük Komitəsi məlumat yayıb. Bildirilib ki, Dubay-Bakı aviareysi ilə ölkəyə daxil olan Azərbaycan Respublikası vətəndaşının əl yükünə baxış zamanı Hava Nəqliyyatında Baş Gömrük İdarəsinin əməkdaşları monitorda şübhəli təsvirlər aşkar ediblər. Bu səbəbdən sərnişinə qarşı gömrük yoxlaması həyata keçirilib.
Nəticədə, həmin şəxsin çamadanında gömrük nəzarətindən gizlədilmiş, hər biri kiçik sellofan paketlərdə qablaşdırılmış 24 ədəd bağlamada ümumilikdə 700.60 karat brilyant qaş aşkarlanıb.
Faktla bağlı araşdırma aparılır.
