USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fazil Mustafaya qarşı sui-qəsd ittihamı ilə 20 il həbs alan məhbus aclıq aksiyasına başlayıb
Milli Məclisin deputatı Fazil Mustafaya qarşı sui-qəsd ittihamı ilə 20 il müddətinə azadlıqdan məhrum edilmiş Səbuhi Şirinov iyulun 16-dan etibarən aclq aksiyasına başlayıb. Bu barədə onun həyat yoldaşı Xanım Şirinova Meydan TV-yə məlumat verib.
Onun sözlərinə görə, Şirinovun saxlanma şəraiti və səhhəti ilə bağlı problemləri var, lakin buna baxmayaraq nə həkim müayinəsinə, nə də müalicəyə cəlb olunub:
“Həyat yoldaşım hazırda Umbakı həbsxanasında saxlanılır. Fazil Mustafaya sui-qəsdlə bağlı saxlanıldığı gün işgəncəyə məruz qalıb, nəticədə başında ciddi ağrılar yaranıb. Qapalı şəraitdə saxlanılması bu ağrıları daha da şiddətləndirir. Eyni zamanda dişi şişib, lakin heç bir tibbi yardım göstərilmir”.
Xanım Şirinova bildirir ki, dəfələrlə həbsxana rəhbərliyinə müraciət edilsə də, onun müalicə olunması üçün heç bir tədbir görülməyib:
“Biz müraciət etdik ki, əgər müalicə etmirsinizsə, heç olmasa özəl həkimlə təmin edək. Amma buna da icazə vermirlər. Bu gün Ombudsman Aparatından bizə dedilər ki, məsələ ilə bağlı cəzaçəkmə müəssisəsinə baş çəkəcəklər”.
Məsələ ilə bağlı Penitensiar Xidmətdən münasibət almaq mümkün olmayıb.
⸻
Hadisənin qısa xronologiyası:
Səbuhi Şirinov 2023-cü ildə deputat Fazil Mustafaya qarşı sui-qəsd cəhdinə görə həbs olunub. Rəsmi məlumatlara əsasən, hücum nəticəsində deputat odlu silahla yaralanmış, lakin sağ qalmışdı. Şirinov bu cinayətə görə 20 il müddətinə azadlıqdan məhrum edilib.
Hazırda ailəsi onun səhhətinin kritik olduğunu bildirir və hüquq-mühafizə orqanlarından təcili tibbi müdaxilə tələb edir.
