USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daha bir inanclı fəal 3 il azadlıqdan məhrum edildi
Müsəlman Birliyi Hərəkatının (MBH) üzvü Tərlan Səyadov barəsindəki cinayət işi üzrə məhkəmə prosesi başa çatıb. MBH-nin yaydığı məlumata görə, iyulun 23-də Bakı Ağır Cinayətlər Məhkəməsində hakim Roman Ələkbərlinin sədrliyi ilə keçirilən iclasda Səyadova hökm oxunub.
O, Cinayət Məcəlləsinin 234.1-1-ci maddəsi – satış məqsədi olmadan, şəxsi istehlak miqdarından artıq narkotik vasitə əldə etmə, saxlama, hazırlama, emal etmə və daşıma – ilə təqsirli bilinərək 3 il azadlıqdan məhrum edilib.
Məhkəmədə son sözünü deyən Səyadov üzərinə qoyulan ittihamları rədd edib və onları saxta adlandırıb:
“Mənim yalnız bir günahım var, o da inancım və əqidəmdir. Bu gün mən əqidəmə görə məhkum olunuram,” – deyə o bildirib.
Tərlan Səyadov 2024-cü ilin mart ayında saxlanılıb.
Azərbaycanda Siyasi Məhbusların Azadlığı üçün Birliyin 2025-ci il iyunun 9-da yenilədiyi siyahıya əsasən, hazırda ölkədə siyasi motivlərlə həbs edilənlərin sayı 375 nəfərdir. Onlardan 241-i inanclı fəallar kimi qeyd olunur.
