USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Məhəmməd Kekalova vəkili ilə telefon danışığına icazə verilmir
“AbzasMedia işi” üzrə həbs olunan jurnalist Məhəmməd Kekalovun vəkili ilə telefon əlaqəsinə icazə verilmədiyi bildirilir. Bu barədə AbzasMedia-ya onun yaxınları məlumat verib.
Ailəsinin sözlərinə görə, bu gün Kekalov saxlandığı Umbakı həbsxanasında vəkilinə zəng etmək istəyəndə, həbsxana əməkdaşları telefonu zorla onun əlindən alıb. Jurnalistə yalnız həbsxana rəisinin icazəsindən sonra vəkili ilə əlaqə saxlaya biləcəyi deyilib.
Məhəmməd Kekalov 2023-cü il noyabrın 20-də “AbzasMedia işi” çərçivəsində saxlanılıb və 2025-ci il iyunun 20-də 7 il 6 ay müddətinə azadlıqdan məhrum edilib. O, qaçaqmalçılıq və müxtəlif maliyyə cinayətləri ilə bağlı səkkiz maddə üzrə ittiham olunub.
İstintaq dövründə “AbzasMedia işi” üzrə həbs edilənlərə vəkilləri ilə telefon danışığına qadağa qoyulmuşdu. Lakin yekun hökm elan olunduqdan sonra bu məhdudiyyətin qüvvədə qalmasına dair rəsmi açıqlama verilməyib.
