USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəhruz Səmədovun apellyasiya şikayətinə Bakı Apellyasiya Məhkəməsində baxılıb
Bu gün, avqustun 13-də Bakı Apellyasiya Məhkəməsində Çexiyanın Karlova Universitetinin doktorantı, dövlətə xəyanətdə ittiham edilərək 15 il azadlıqdan məhrum edilən Bəhruz Səmədovun hökmə qarşı verdiyi apellyasiya şikayətinə baxılıb. Məhkəmə iclasına Elmar Rəhimovun sədrlik etdiyi hakimlər kollegiyası rəhbərlik edib.
Proses qapalı keçirilib. Yaxınlarının bildirdiyinə görə, iclasda məhkəmənin açıq keçirilməsi də daxil olmaqla 20-dən çox vəsatət təqdim edilsə də, heç biri təmin olunmayıb.
Məlumata görə, bir gün öncə Səmədov nənəsi ilə görüşündə səhhətinin yaxşı olmadığını və məhkəmə iclasında iştirak etməyəcəyini desə də, bu gün prosesə qatılıb.
Bəhruz Səmədov Azərbaycan-Ermənistan münaqişəsi üzrə araşdırmaları və Azərbaycan hökumətini tənqid edən yazıları ilə tanınır. O, 2024-cü il avqustun 21-də Dövlət Təhlükəsizlik Xidmətinin əməkdaşları tərəfindən saxlanılıb və Cinayət Məcəlləsinin 274-cü (dövlətə xəyanət) maddəsi ilə ittiham olunub.
Səmədov ittihamları qəbul etmir və özünü təqsirli bilmir. Bakı Ağır Cinayətlər Məhkəməsi 2025-ci il iyunun 23-də onun barəsində 15 il azadlıqdan məhrum etmə hökmü çıxarıb. Yaxınlarının sözlərinə görə, Səmədov məhkəmədə heç bir çıxış etməyib.
Apellyasiya şikayətinə dair növbəti məhkəmə iclası avqustun 20-ə təyin edilib.
