ABŞ Prezidenti Donald Trump **Çin**ə planlaşdırılan səfərinin təxirə salınmasını istəyib.

O, bu barədə **Ağ Ev**də jurnalistlərə açıqlamasında danışıb. Tramp bildirib ki, məsələ hazırda Çin tərəfi ilə müzakirə olunur.

“Getməyi çox istərdim. Amma müharibə səbəbindən burada qalmaq istəyirəm. Düşünürəm ki, burada olmalıyam. Buna görə də səfərin təxminən bir ay təxirə salınmasını xahiş etdik”, – deyə o qeyd edib.

Bundan əvvəl Tramp Hörmüz boğazı ilə bağlı da açıqlama verərək, Çinin boğazın açıq qalmasına kömək etməyəcəyi halda səfərin tamamilə ləğv edilə biləcəyinə işarə etmişdi.

Pekin isə buna cavab olaraq münaqişənin bütün tərəfləri ilə əlaqə saxladıqlarını və gərginliyin azaldılmasına çağırdıqlarını bildirib.

Qeyd edək ki, Ağ Ev daha əvvəl ABŞ prezidentinin 31 mart – 2 aprel tarixlərində Çinə səfər edəcəyini açıqlamışdı.