USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rza Pəhləvi: İslam Respublikası süqut etsə, ölkəyə rəhbərlik etməyə hazıram
1979-cu il inqilabında devrilmiş sonuncu İran şahının oğlu Rza Pəhləvi İslam Respublikası süqut edəcəyi təqdirdə keçid dövründə ölkəyə rəhbərlik etməyə hazır olduğunu bildirib.
Hazırda ABŞ-də yaşayan Pəhləvi bu barədə sosial media hesabında paylaşım edib.
Onun sözlərinə görə, həm İran daxilində, həm də xaricdə “keçid sistemi”nin yaradılması istiqamətində komanda formalaşdırılır.
Pəhləvi qeyd edib ki, keçid sisteminin müxtəlif strukturlarına rəhbərlik edə biləcək bacarıqlı şəxslər artıq müəyyən edilib və qiymətləndirilib.
“Mənim rəhbərliyim altında keçid sistemi İslam Respublikası süqut edən kimi ölkəni idarə etməyə və ən qısa müddətdə İranın çiçəklənməsi üçün nizam, təhlükəsizlik, azadlıq və uyğun şərait yaratmağa hazır olacaq”, – deyə o bildirib.
Qeyd edək ki, 1979 İran İnqilabı nəticəsində şah rejimi devrilmiş və ölkədə İslam Respublikası qurulmuşdu.
