USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Peskov: Qlobal neft qiymətlərinin artması Rusiyanın gəlirlərini artıracaq
Qlobal neft qiymətlərinin yüksəlməsi Rusiyanın dövlət büdcəsinə daxilolmaların artmasına səbəb olacaq.
Bunu Kremlin sözçüsü Dmitri Peskov bildirib.
Onun sözlərinə görə, qlobal enerji bazarındakı qiymət artımı və ABŞ-nin Rusiya neftinə qarşı tətbiq etdiyi sanksiyaların ləğvi ölkə büdcəsinə əlavə gəlirlər gətirə bilər.
Peskov qeyd edib ki, Rusiya büdcəsində neft gəlirləri ilə bağlı müəyyən qaydalar və hədlər mövcuddur. Bununla belə, mövcud qiymət mühiti neft və neft məhsulları satan şirkətlərin gəlirlərini artırır.
“Neft gəlirləri ilə bağlı müəyyən qaydalarımız və hədlərimiz var. Amma təbii ki, neft və neft məhsulları satan şirkətlərimiz üçün əlavə gəlirlərdən danışırıq və bu gəlirlər mövcud qiymət mühitinə əsaslanır”, – deyə o bildirib.
Kreml sözçüsü əlavə edib ki, korporativ gəlirlərin artması nəticədə dövlət büdcəsinə daxil olan vəsaitin də artmasına gətirib çıxaracaq.
