USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranda İsraillə əməkdaşlıq şübhəsi ilə 20 nəfər saxlanılıb
İranda hüquq-mühafizə orqanları İsrail xüsusi xidmət orqanları ilə əməkdaşlıqda və casusluqda şübhəli bilinən 20 nəfəri saxlayıb.
Məlumata görə, saxlanılan şəxslər Qərbi Azərbaycan əyalətinin inzibati mərkəzi olan Urmiya şəhərində tutulublar. Bu barədə “Tasnim” agentliyi xəbər yayıb.
Əyalət prokurorunun bildirdiyinə görə, təhlükəsizlik qüvvələri İsraillə əlaqəli bir neçə muzdlu şəbəkəni aşkar edərək zərərsizləşdirib.
Rəsmi açıqlamada qeyd olunub ki, saxlanılan şəxslər İsraillə əməkdaşlıq edərək müxtəlif məlumatları ötürüblər.
“Bu şəxslər İsraillə əməkdaşlıq edib, o cümlədən hərbi, polis və təhlükəsizliyi təmin edən digər obyektlərin yerləri barədə məlumatları İsrailə ötürüblər”, – deyə məlumatda vurğulanır.
Hadisə ilə bağlı araşdırmaların davam etdiyi bildirilir.
