USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əraqçi: Nə atəşkəs, nə də danışıqlar istəmişik
İran heç vaxt atəşkəs və ya danışıqlar tələb etməyib və lazım olduğu qədər özünü müdafiə etməyə davam edəcək.
Bunu İranın xarici işlər naziri Abbas Əraqçi CBS News telekanalına verdiyi müsahibədə bildirib.
Nazirin sözlərinə görə, Tehran indiyədək yalnız özünümüdafiə məqsədilə hərəkət edib və bu mövqeyini davam etdirəcək.
“Biz heç vaxt atəşkəs istəməmişik, hətta danışıqlar belə istəməmişik. İndiyə qədər etdiyimiz də budur və Prezident Donald Tramp bunun qanunsuz və məğlubedilməz bir müharibə olduğu qənaətinə gələnə qədər bunu davam etdirəcəyik”, – deyə Əraqçi bildirib.
O iddia edib ki, münaqişə Vaşinqtonun seçimi olub və İran yalnız öz ərazisini və vətəndaşlarını müdafiə edir.
Əraqçi həmçinin ABŞ müdafiə naziri Pit Heqset tərəfindən səsləndirilən “mərhəmət yoxdur” ifadəsini xatırladaraq bunun müharibə cinayəti kimi qiymətləndirilə biləcəyini deyib.
Nazir əlavə edib ki, ABŞ İrana hücum etmək qərarı verəndə tərəflər artıq danışıqlar aparırdı və bu səbəbdən Tehran hazırda amerikalılarla yenidən danışmaq üçün əsas görmür.
