USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ülvi Həsənli: “Abzas Media”da apardığımız korrupsiya araşdırmalarına görə cəzalandırıldıq
Martın 13-də “Abzas Media işi” üzrə həbsdə olan nəşrin direktoru Ülvi Həsənli-nin kassasiya şikayətinə baxılıb.
Proses Azərbaycan Respublikasının Ali Məhkəməsi-ndə hakim Zaur Hüseynov-un sədrliyi ilə keçirilib.
Məhkəmədə Həsənlinin vəkili Fəxrəddin Mehdiyev çıxış edərək istintaq materiallarında çoxsaylı prosessual pozuntular olduğunu bildirib.
Vəkilin sözlərinə görə, Abzas Media ofisində aparılan axtarış və götürmə zamanı iştirak edən bir neçə nəfərin kimliyi protokolda göstərilməyib.
“Sonradan həmin şəxslərin kimliyinin müəyyən edilməsi ilə bağlı məhkəməyə vəsatət təqdim etsək də, təmin edilmədi. Ofisdən tapıldığı iddia olunan 40 min avronun ekspertizaya göndərilməsi barədə vəsatətimiz də rədd edildi. İstintaq materialları bu kimi çoxsaylı prosessual xətalarla doludur”, – deyə vəkil bildirib.
Fəxrəddin Mehdiyev işə bəraətedici əsaslarla xitam verilməsini istəyib.
Daha sonra söz alan Ülvi Həsənli isə bildirib ki, onlar “Abzas Media”da apardıqları korrupsiya araşdırmalarına görə cəzalandırılıblar.
