USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəhruz Səmədovun nənəsi məhkəmə zalına buraxılmayıb
Avqustun 6-da Bakı Apellyasiya Məhkəməsində siyasi fəal və araşdırmaçı yazar Bəhruz Səmədovun işi üzrə ilkin baxış iclası keçirilib. Prosesə hakim Elmar Rəhimov sədrlik edib.
İclas zamanı diqqətçəkən məqam Bəhruz Səmədovun nənəsi Zibeydə Osmanovanın məhkəmə zalına buraxılmaması olub. Halbuki bu mərhələ açıq məhkəmə prosesi kimi elan olunmuşdu.
Prokurorun iş materialları ilə tanış olmadığını bildirməsi səbəbilə iclas təxirə salınıb. Növbəti məhkəmə prosesi avqustun 13-nə təyin edilib və bu dəfə iclasın qapalı keçiriləcəyi açıqlanıb.
Bəhruz Səmədov Azərbaycan-Ermənistan münaqişəsi ilə bağlı apardığı elmi araşdırmalar və hakimiyyəti tənqid edən yazıları ilə tanınır. O, 2024-cü ilin avqustun 21-də Dövlət Təhlükəsizliyi Xidmətinin əməkdaşları tərəfindən saxlanılıb. Səbail Rayon Məhkəməsi onun barəsində Azərbaycan Cinayət Məcəlləsinin 274-cü maddəsi (dövlətə xəyanət) ilə həbs qətimkan tədbiri seçib.
2025-ci il iyunun 23-də keçirilən məhkəmə iclasında Bəhruz Səmədov 15 il müddətinə azadlıqdan məhrum edilib. O, ittihamları qəbul etmir və özünü təqsirli bilmir.
Müdafiəçilər və hüquq müdafiəçiləri Bəhruz Səmədova qarşı ittihamların siyasi motivli olduğunu bildirirlər. Onun işi beynəlxalq insan hüquqları təşkilatlarının da diqqətini cəlb edib.
