USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əraqçi: Tehran nüvə proqramında böyük güzəştlərə hazır idi
İran ABŞ-nin hücumundan əvvəl nüvə proqramı ilə bağlı ciddi güzəştlərə getməyə hazır olub.
Bunu İranın xarici işlər naziri Abbas Əraqçi MS NOW-a verdiyi müsahibədə bildirib.
Nazirin sözlərinə görə, Tehran və Vaşinqton arasında 26 fevralda Cenevrə şəhərində keçirilən danışıqlarda müəyyən irəliləyiş əldə olunub.
Əraqçi qeyd edib ki, həmin görüş zamanı İranın 60 faizə qədər zənginləşdirilmiş 440 kiloqram nüvə materialına malik olduğunu açıqlayıb. Onun sözlərinə görə, bu material daha da zənginləşdirilərsə, təxminən on nüvə bombası hazırlamaq üçün kifayət edə bilər.
Nazir bildirib ki, buna baxmayaraq, İran bu materialdan imtina etməyə və zənginləşdirmə səviyyəsini aşağı salmağa hazır idi.
“Bunu deməklə göstərmək istəyirdim ki, etdiyimiz güzəşt həqiqətən də əladır, amma bunu necə şərh etdiklərini bilmirəm…”, – deyə Əraqçi əlavə edib.
