USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Ramzan Kadırov Prezident İlham Əliyevi doğum günü münasibətilə təbrik edib
Rusiya Federasiyasının Çeçenistan Respublikasının başçısı Ramzan Kadırov Azərbaycan Respublikasının Prezidenti İlham Əliyevə doğum günü münasibətilə təbrik məktubu göndərib.
President.az-ın məlumatına görə, məktubda Ramzan Kadırov Prezident İlham Əliyevin həyat yolunu böyük məsuliyyət hissi, qətiyyət və xalqına sədaqət nümunəsi kimi qiymətləndirib. O bildirib ki, Prezident Əliyev uzun illər ərzində Azərbaycanın vətəndaşlarının rifahı və təhlükəsizliyi naminə mühüm işlər görüb, çətin situasiyalarda mətinlik və ləyaqət nümayiş etdirib.
Təbrik məktubunda vurğulanıb ki, Azərbaycanda həyata keçirilən islahatlar, siyasi sabitliyin möhkəmləndirilməsi və milli iqtisadiyyatın inkişafı Prezident İlham Əliyevə xalqın yüksək etimadını qazandırıb.
Ramzan Kadırov əminliyini ifadə edib ki, Prezident İlham Əliyevin təcrübəsi və məsuliyyətli fəaliyyəti Azərbaycan xalqının maraqlarına xidmət edən planların uğurla həyata keçirilməsinə bundan sonra da töhfə verəcək.
Məktubun sonunda Prezident İlham Əliyevə, ailə üzvlərinə və yaxınlarına möhkəm cansağlığı, uzun ömür, davamlı sülh və firavanlıq arzulanıb.
