USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
"Kanal 11" TV-ın rəhbəri 8 il həbsə məhkum edildi
"Kanal 11" internet televiziyasının rəhbəri Teymur Kərimov və onunla birlikdə mühakimə olunan İstək Totiyevanın cinayət işi üzrə məhkəmə prosesi dekabrın 28-də çatıb.
Bakı Ağır Cinayətlər Məhkəməsi hakim Azad Məcidovun sədrliyi ilə Teymur Kərimovu 8 il həbsə məhkum edib. İstək Totiyevaya iki il sınaq müddəti seçilməklə şərti cəza verib.
Dövlət ittihamçısı Teymur Kərimovun 9 il, İstək Totiyevanın 3 il müddətinə azadlıqdan mərhum edilməsini istəyib.
Kərimov ittihamın yalan olduğunu, özünü təqsirli bilmədiyini bildirib. Onun vəkilləri hökmdən apellyasiya şikayəti verəcəklərini deyiblər.
Qeyd edək ki, ötən il dekabrın 12-də Nərimanov Rayon Məhkəməsi "Kanal 11" İnternet Televiziyasının rəhbəri Teymur Kərimov barəsində həbs qətimkan tədbiri seçib. Kərimov Cinayət Məcəlləsinin 182.2.1-ci (hədə-qorxu ilə tələb etmə-qabaqcadan əlbir olan bir qrup şəxs tərəfindən törədildikdə), 182.2.2-ci və 182.2.4-cü maddələri ittiham olunur.
Kərimov yerli hüquq-müdafiə təşkilatları tərəfindən siyasi məhbus kimi tanınıb.
