USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Çində Xiaomi elektrik avtomobilində faciə: “ağıllı” sistem sürücünün həyatına son qoydu
Çində Xiaomi şirkətinin istehsal etdiyi SU7 markalı elektrik avtomobilində baş verən qəza faciə ilə nəticələnib.
Hadisə nəticəsində avtomobilin sürücüsü yanaraq həyatını itirib. Məlumata görə, qəza baş verdikdən sonra avtomobil alovlanıb, lakin “ağıllı” sistemin qapıları avtomatik olaraq bağlanıb və elektrik kəsildiyinə görə qapıları açmaq mümkün olmayıb.
Hadisə yerində olan insanlar sürücünü xilas etməyə çalışsalar da, nəticə verməyib. Qısa müddət ərzində avtomobil tamamilə alova bürünüb.
Sosial şəbəkələrdə istifadəçilər Xiaomi-nin “ağıllı qapı kilidləmə sistemi”ni kəskin tənqid ediblər. Şirkətin elektrik avtomobil sənayesinə iddialı şəkildə daxil olduğu SU7 modeli artıq təhlükəsizlik məsələlərinə görə ciddi suallar doğurur.
Bloomberg-in məlumatına görə, faciədən sonra Xiaomi şirkətinin səhmləri təxminən 9% ucuzlaşıb.
Hadisə ilə bağlı şirkət hələlik rəsmi açıqlama yaymayıb.
