USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azər Qasımlı həbsi barəsində paylaşım edib
Artıq bir aydan çoxdur ki, həbs edilmişəm. Bu həbsin siyasi sifariş əsasında həyata keçirildiyini hər kəs bilir və anlayır. Lakin həbsimin rəsmi və saxta hissəsi ilə bağlı bir daha bu mövzuya qayıtmamaq şərtilə birinci və axırıncı dəfə yazmaq istəyirəm.
Mənə qarşı irəli sürülən ittihamnamədə bir dənə də olsun sübut yoxdur. Məhkəmədə də vəkilimin “heç olmasa bir dənə ilkin sübut göstərə bilərsinizmi?” sualına müstəntiq sükutla cavab verdi. Bu nəinki təqsirsizlik prezumpsiyasının pozulması, ümumilikdə qanunun, hüququn tapdanmasıdır. Mənimsə, kifayət qədər sübutum var.
Bu ittihamın mənim təbiətimə nə qədər zidd olduğunu məni tanıyan hər kəs bilir. Mən hətta övladlarımı belə təhdidlə yox, təşviqlə tərbiyə etmişəm.
Məni yalnız bir səbəbə görə həbs ediblər. Həqiqətləri danışdığıma görə. Mənim dediyim həqiqət budur: Azərbaycanın MİLLİ MARAQLARI hüquqi dövlətin, azad iqtisadi mühitin və demokratiyanın gətirəcəyi tərəqqiyə söykənir. Mən nə qərbyönümlüyəm, nə şimalyönümlü, nə də cənubyönümlü. Mən Azərbaycanyönümlüyəm! Lakin bununla yanaşı ölkəmizin təhlükəsizliyini riskə atmadan Qərblə dərin əməkdaşlığın, Avropa Birliyinə və müasir dünyaya inteqrasiyanın tərəfdarıyam. Və bunun da milli maraqlarımıza uyğun olduğunu düşünürəm.
Bütün bunları nəzərə alaraq həbsimi söz azadlığına qəsd kimi dəyərləndirirəm.
