USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nigar Həzi: "Tofiq Yaqubluya qarşı artıq təzyiqlər başladı"
Dünən Tofiq Yaqublunun aprel ayının 1-dən aclıq aksiyasına başlayacağını ictimailəşdirmişdim. Artıq hakimiyyət ilk təzyiq kimi onu bu həftənin şənbə günü Qaradağ rayonunun Umbakı qəsəbəsində yerləşən penitensiar kompleksə köçürəcək. Bu həftə Tofiq Yaqublunun müdafiəçiləri məhkəmə qərarından apelliyasiya şikayəti verəcək. Şikayət veriləndən sonra onu yenidən 1 saylı Bakı İstintaq Təcridxanasına köçürəcəklər. Bir halda ki, apelliyasiya şikayəti dönəmində yenidən Kürdəxanıda olacaqsa, bir həftəlik və ya 10 günlük köçürmə tələsik nəyə lazımdır?
Həbsxanada olanlar bilirlər ki, məhbus üçün bu köçürmələr işgəncədir, əziyyətdir. Bu, Tofiq Yaqubludan aclıq edəcəyi üçün qisas almaqdır. Bunun başqa adı yoxdur.
Bizim üçün məsafənin heç bir əhəmiyyəti yoxdur. Tofiq Yaqublu harada olubsa, ailə olaraq biz onun arxasıyca getmişik. Vaxtı ilə aylarla hər həftə və ya həftədə 2-3 dəfə Gəncəyə, Şəkiyə getmişik. Sadəcə olaraq qısa müddətlik köç əlavə işgəncədir. Bəlkə yuxarıdakılar düşünürlər ki, Tofiq Yaqublu Umbakıda aclığa başlasa, ailəsi hər gün ora getməz və ya ondan məlumat ala bilməz. Bəylər, belə şey mümkün deyil. Lazım gəlsə, təbridxananın önündə çadır qurub gözləyərik.
