USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bəxtiyar Hacıyev "Müdafiə xətti" vasitəsilə xalqa müraciət edib
29-cu gündür ki, qanunsuz həbsinə etiraz olaraq aclıq aksiyası keçirən Bəxtiyar Hacıyev ictimailəşdirilməsi məqsədilə növbəti müraciətini “Müdafiə Xətti”nə göndərib.
Olduğu kimi təqdim edirik:
“Azərbaycan Respublikasının İnsan Hüquqları üzrə Müvəkkilinə
Bakı İstintaq Təcridxanasında saxlanılan Hacıyev Bəxtiyar İlyas oğlu
tərəfindən
ƏRİZƏ
Yazıb bildirirəm ki, müstəsna abırsızlıqla və həyasızlıqla şərlənərək həbs edilməmişdən əvvəl, son 20 il ərzində ictimai fəaliyyətlə məşğul olmuşam. Həbsdə olduğum müddətdə mənə qarşı müxtəlif qarayaxma kampaniyalarının aparılmasını da nəzərə alsaq, öz müdafiə hüququmu təmin etmək üçün bəzən yaxın dostlarıma, həmkarlarıma, müxtəlif diplomatlara məktublar yazmaq, ictimaiyyətə müraciətlər etmək zərururəti yaranır. Bu qısa, şəxsi, barəmdə açılmış cinayət işinin istintaqı ilə bağlı olmayan yazışmalarımın müdafiəçilərim vasitəsilə göndərilməsinə mane yaradılır.
Eyni zamanda, məni müstəsna həyasızlıqla şərləyərək həbs etdirən istintaq orqanı-Bakı Şəhər Baş Polis İdarəsinin əməkdaşları məhkəmə iclas zalından və binasından çıxarılarkən məni mobil telefonla çəkirlər, bunu (qollarım qandallı foto və video çəkilişləri) müxtəlif şəxslərə, o cümlədən DİN rəhbərliyinə göndərdiklərini deyərək, məni təxribata çəkirlər.
Sizdən xahiş edirəm ki, həm şəxsi yazışmalarımın göndərilməsi məsələsində, həm də DİN rəhbərliyinin telefonla çəkiliş fetişinin dayandırılması məsələsində mənə köməklik edəsiniz.
Bəxtiyar Hacıyev
02.02.2023
