USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İlham Əliyev İran Prezidenti Məsud Pezeşkianla telefonla danışıb
Yanvarın 31-də Azərbaycan Respublikasının Prezidenti İlham Əliyev İran İslam Respublikasının Prezidenti Məsud Pezeşkianla telefon danışığı aparıb.
Söhbət zamanı Azərbaycan–İran münasibətlərinin dostluq, qardaşlıq və mehriban qonşuluq prinsiplərinə əsaslandığı vurğulanıb, xalqlarımız arasında tarixi, etnik və dini bağların mövcudluğu bir daha qeyd edilib.
Telefon danışığı əsnasında İran Prezidentinin Azərbaycana səfərləri, dövlət başçılarının görüşləri və apardıqları səmərəli danışıqlar məmnunluqla xatırlanıb, bu təmasların ikitərəfli əlaqələrin inkişafına mühüm töhfə verdiyi bildirilib. Araz çayı üzərində Ağbənd və Kəlalə məntəqələrini birləşdirən avtomobil körpüsünün tikintisi üzrə işlərin qrafikə uyğun davam etdiyi vurğulanıb.
Prezident İlham Əliyev bölgədə yaranmış vəziyyətin narahatlıq doğurduğunu ifadə edərək, Azərbaycanın gərginliyin aradan qaldırılmasına töhfə verməyə hazır olduğunu bildirib və məsələlərin danışıqlar və qarşılıqlı anlaşma yolu ilə həllinin tərəfdarı olduğunu qeyd edib.
Prezident Məsud Pezeşkian göstərilən diqqətə görə Prezident İlham Əliyevə təşəkkürünü bildirib.
Söhbət zamanı iki ölkə arasında dostluq və qardaşlıq münasibətlərinin müxtəlif aspektləri, eləcə də gələcək birgə addımlar ətrafında fikir mübadiləsi aparılıb və təmasların davam etdirilməsi barədə razılıq əldə olunub.
