USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran hökuməti etirazlarda ölənlərin siyahısını dərc edib
İran hökuməti ölkədə baş verən kütləvi etiraz aksiyaları zamanı həyatını itirən şəxslərin siyahısını açıqlayıb.
“İzvestiya” qəzetinin məlumatına görə, siyahı Prezident Məsud Pezeşkianın göstərişi ilə hazırlanaraq ictimaiyyətə təqdim olunub. Dərc edilən sənəddə etirazlar zamanı həlak olan təxminən 2986 nəfərin adı yer alıb.
Qeyd olunur ki, İran hakimiyyəti iğtişaşlar nəticəsində ümumilikdə 3117 nəfərin öldüyünü rəsmi şəkildə bəyan edib. Lakin açıqlanan siyahıda 131 nəfərin adı yer almayıb. İran Nazirlər Kabineti bu şəxslərin kimliyinin hələlik müəyyən edilmədiyini bildirib.
Xatırladaq ki, 2025-ci ilin dekabr ayının sonlarında İranın milli valyutası olan rialın kəskin devalvasiyasından sonra ölkə üzrə genişmiqyaslı etiraz aksiyaları başlayıb. Etirazlar qısa müddətdə sosial-iqtisadi tələblərdən siyasi narazılıqlara çevrilərək bir sıra bölgələri əhatə edib.
Hadisələrlə bağlı beynəlxalq ictimaiyyətin və insan haqları təşkilatlarının narahatlığı davam edir.
