USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Goranboyda ailə faciəsi: bıçaqlanan qadının vəziyyəti açıqlanıb
Goranboy rayonunda ailə münaqişəsi zəminində baş verən ağır cinayət hadisəsi zamanı bıçaqlanan qadının vəziyyəti açıqlanıb.
Gəncə Şəhər Birləşmiş Xəstəxanasından bildirilib ki, yanvarın 31-də saat 05:30 radələrində 1995-ci il təvəllüdlü qadın xəstəxananın nəzdində fəaliyyət göstərən Akademik Z.Məmmədov adına xəstəxanaya hospitalizasiya olunub. Ona başın, döş qəfəsinin və kürəyin açıq yaraları diaqnozu qoyulub. Pasiyentə zəruri tibbi yardım göstərilib, hazırda vəziyyəti orta ağır qiymətləndirilir və müalicəsi müvafiq şöbədə davam etdirilir.
Xatırladaq ki, hadisə Goranboy rayonunun Faxralı kəndində baş verib. Kənd sakini, Vətən müharibəsi qazisi, III qrup əlil, 1987-ci il təvəllüdlü Emin Vəliyev yaşadığı evdə ailə münaqişəsi zamanı anası – 1963-cü il təvəllüdlü Zoya Əhmədovanı bıçaqlayaraq qətlə yetirib. Hadisə zamanı onun həyat yoldaşı – 1995-ci il təvəllüdlü Jalə Yolçuyeva da bıçaq xəsarətləri alıb.
Məlumata görə, Emin Vəliyev hadisədən sonra qaçsa da, polis əməkdaşlarının keçirdiyi əməliyyat-axtarış tədbirləri nəticəsində saxlanılıb.
Faktla bağlı Goranboy Rayon Prokurorluğunda araşdırma aparılır.
