USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sumqayıtda qızıl alqı-satqısı adı ilə soyğunçuluq
Sumqayıt şəhərində soyğunçuluq hadisəsi qeydə alınıb.
Daxili İşlər Nazirliyindən verilən məlumata görə, zərərçəkən şəxs 3 700 manat dəyərində qızıl-zinət əşyalarını satmaq məqsədilə sosial şəbəkələrdə elan yerləşdirib. Elanı görən naməlum şəxs telefon vasitəsilə onunla əlaqə saxlayaraq qızılları almaq istədiyini bildirib və görüş təyin edib.
Görüş zamanı şübhəli şəxs qızıl-zinət əşyalarını götürərək avtomobillə hadisə yerindən uzaqlaşıb.
Sumqayıt Şəhər Polis İdarəsinin 3-cü Polis Bölməsinin əməkdaşları tərəfindən keçirilən əməliyyat tədbirləri nəticəsində soyğunçuluq əməlini törətməkdə şübhəli bilinən 23 yaşlı Ramin Tahirov müəyyən edilərək saxlanılıb.
Faktla bağlı araşdırma aparılır.
