USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tramp: “İran hazırda ABŞ ilə danışıqlar aparır”
ABŞ Prezidenti Donald Tramp İranın Vaşinqton üçün məqbul olacaq bir razılaşmaya gələ biləcəyinə ümid etdiyini bildirib.
Amerika lideri bunu Floridaya səfəri zamanı jurnalistlərə açıqlamasında deyib. Trampın sözlərinə görə, tərəflər arasında təmaslar davam edir.
“Ümid edirəm ki, onlar məqbul bir şeylə bağlı razılığa gələ biləcəklər”, – deyə ABŞ Prezidenti vurğulayıb.
Donald Tramp eyni zamanda İranın hazırda ABŞ ilə danışıqlar apardığını da təsdiqləyib. Lakin o, danışıqların məzmunu və mümkün razılaşmanın detalları barədə əlavə açıqlama verməyib.
Qeyd edək ki, son aylarda ABŞ–İran münasibətlərində gərginlik fonunda diplomatik təmasların bərpası beynəlxalq ictimaiyyətin diqqət mərkəzindədir.
