USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İran ABŞ-la danışıqlar üçün şərt irəli sürüb
İran hökuməti ABŞ Prezidenti Donald Trampın administrasiyası ilə mümkün danışıqlar üçün əsas şərt kimi etimadın bərpasını irəli sürüb.
Bunu İranın xarici işlər naziri Abbas Əraqçi CNN-ə verdiyi müsahibədə bildirib. Nazir qeyd edib ki, hazırda ABŞ-a qarşı etimad ciddi şəkildə zədələnib, lakin bu etimadın yenidən formalaşdırılması istiqamətində müəyyən səylər göstərilir.
Abbas Əraqçinin sözlərinə görə, məhz bu şərtin yerinə yetirilməsi gələcəkdə Tehranla Vaşinqton arasında yeni danışıqların mümkünlüyünə yol aça bilər. O, həmçinin İran və ABŞ arasında birbaşa olmasa da, vasitəçilər üzərindən əlaqələrin davam etdiyini vurğulayıb.
Xatırladaq ki, bir müddət əvvəl İran rəsmiləri ABŞ ilə qarşıdurmanın “üçüncü mərhələsinin” başladığını açıqlamışdılar. ABŞ Prezidenti Donald Tramp isə müxtəlif çıxışlarında İrana qarşı hərbi zərbə ehtimalını istisna etmədiyini bildirmişdi. Bu bəyanatlar fonunda tərəflər arasında gərginlik yenidən artıb.
