USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan XİN Pakistandakı terror hücumlarını pisləyib
Azərbaycan Xarici İşlər Nazirliyi (XİN) Pakistanın Bəlucistan əyalətində törədilmiş terror hücumlarını qətiyyətlə pisləyib.
Bu barədə XİN-in sosial media hesablarında paylaşım edilib. Paylaşımda bildirilir ki, Azərbaycan baş vermiş hadisələri kəskin şəkildə qınayır və Pakistan xalqı ilə həmrəyliyini ifadə edir.
“Pakistanın Bəlucistan əyalətində baş vermiş mənfur terror hücumlarını qətiyyətlə pisləyirik. Həlak olanların ailələrinə dərin hüznlə başsağlığı verir, qardaş Pakistan xalqına və hökumətinə səmimi həmrəylik hisslərimizi bölüşürük. Yaralananlara tezliklə sağlamlıqlarına qovuşmalarını arzulayırıq”, – deyə paylaşımda qeyd olunub.
XİN həmçinin terrorizmin bütün forma və təzahürlərinə qarşı beynəlxalq səylərə dəstəyini bir daha vurğulayıb və bu cür cinayətlərin yolverilməz olduğunu bildirib.
