USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Jurnalist Nərgiz Absalamovaya qarşı yeni ittihamlar irəli sürülüb
Azərbaycan hökuməti Abzas Media işi üzrə həbs olunmuş gənc jurnalist Nərgiz Absalamovaya yeni ittihamlar elan edib.
Vəkil Şəhla Hümbətovanın sosial şəbəkədə verdiyi məlumata görə, Nərgiz Absalamova indi qaçaqmalçılıqla yanaşı həm də Azərbaycan Respublikası Cinayət Məcəlləsinin 192.3.2, 193-1.3.1, 193-1.3.2, 206.4, 213.2.1, 320.1 və 320.2-ci maddələri ilə - xüsusilə külli miqdarda gəlir əldə etməklə qanunsuz sahibkarlıq, mütəşəkkil dəstə tərkibində cinayət yolu ilə əldə edilmiş xeyli miqdarda pul vəsaitlərini leqallaşdırma, mütəşəkkil dəstə tərəfindən törədilmiş qaçaqmalçılıq, vergi ödəməkdən yayınma, sənəd saxtalaşdırma və saxta sənədlərdən istifadə etmə də ittiham olunur. Nəticədə aydın olur ki, Azərbaycanın hüquq mühafizə orqanları gənc jurnalistdən beynəlxalq mafioz obrazı yaratmaq istəyirlər.
