USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Beyləqanda azyaşlıya qarşı cinsi zorakılıq — 5 nəfər saxlanıldı
Beyləqan rayonunda azyaşlıya qarşı törədilən ağır cinayət faktı aşkarlanıb.
Daxili İşlər Nazirliyinin Mətbuat Xidmətinin Bərdə regional qrupunun məlumatına görə, 15 yaşlı uşağa qarşı seksual xarakterli hərəkətlərin edilməsi ilə bağlı polisə daxil olan müraciət əsasında dərhal istintaq tədbirlərinə başlanılıb.
Araşdırmalar nəticəsində cinayətdə iştirak etdikləri şübhəsi ilə 5 nəfər müəyyən edilərək saxlanılıb. Faktla bağlı Beyləqan Rayon Polis Şöbəsində Cinayət Məcəlləsinin müvafiq maddələri ilə cinayət işi açılıb.
Hazırda şübhəli şəxslərin əməllərinin hüquqi qiymətləndirilməsi aparılır, iş üzrə istintaq davam etdirilir.
Qeyd edək ki, azyaşlılara qarşı törədilən bu tip cinayətlər Azərbaycan qanunvericiliyinə əsasən ağırlaşdırıcı hal hesab olunur və ciddi cinayət məsuliyyəti nəzərdə tutur.
