USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əraqçi ailəsi ilə qeyri-müəyyən müddətə Livana gedib
İranın xarici işlər naziri Abbas Əraqçinin ailə üzvləri ilə birlikdə Livana getdiyi və onların ölkədə qeyri-müəyyən müddətə qalacağı bildirilib.
Bu barədə iraq əsilli livanlı jurnalist və tədqiqatçı Hüseyn Əbdül Hüseyn “X” sosial şəbəkəsində paylaşım edib. O qeyd edib ki, Abbas Əraqçi Livana səfəri zamanı ailə üzvlərini də özü ilə aparıb.
Jurnalistin sözlərinə görə, İranın Livandakı səfiri ilə bağlı da oxşar məlumatlar mövcuddur. Bildirilir ki, səfirin ailə üzvləri də hazırda Livandadır.
Paylaşımda qeyd olunur ki, Abbas Əraqçi həyat yoldaşı Arzu Əhmədvənd, qızı Sadat və iki oğlu — Seyidhüseyn və Seyidrza ilə birlikdə Beyruta gəlib. Ailənin Livanda İran diplomatlarına məxsus şəxsi evlərdə yerləşdirildiyi və qalma müddətinin qeyri-müəyyən olduğu bildirilir.
Hüseyn Əbdül Hüseyn paylaşımında İranın ali rəhbəri Əli Xameneinin mümkün hərəkət istiqamətinə də toxunub. Onun fikrincə, Xameneinin Moskvaya getməsi ehtimalı zəifdir və mümkün istiqamət kimi Beyrut göstərilir.
