Azərbaycan Xalq Parlamenti Seçki Komissiyası iclasının 24-saylı
Azərbaycan Xalq Parlamentinə 23.12.2024 – 29.12.2024-cü il tarixlərində keçirilən seçkilərin nəticələri haqqında
Yekun Protokolu

VatsApp üzərindən 29.12.2024-cü il
Azərbaycan Respublikasında demokratik dəyərləri və respublikaçılıq prinsiplərini bərpa etmək məqsədilə 18.10.2024-cü il tarixində Azərbaycan Xalq Parlamenti (AzXP) təsis edilib. AzXP-nin birinci çağırışına seçkiləri təşkil etmək və keçirmək üçün AzXP Təsis Konfransında AzXP Seçki Komissiyası seçilib. AzXP Seçki Komissiyası AzXP Nizamnaməsinin 5.5-ci maddəsini əsas götürərək AzXP-yə seçkiləri 23.12.2024 – 29.12.2024-cü il tarixinə təyin edib. AzXP-nin birinci çağırışına seçkilər 23.12.2024-cü il tarixdə, Bakı vaxtı ilə saat 00:00-da start götürüb, 29.12.2024-cü il tarixdə, Bakı vaxtı ilə saat 20:00-da başa çatıb. AzXP-yə seçkilər bu sahədə ixtisaslaşmış “Poll for All” şirkəti tərəfindən təqdim edilən proqram əsasında, elektron formada həyata keçirilib.

I. AzXP-nin birinci çağırış seçkiləri üzrə namizədliyi irəli sürülən şəxslərin sayı haqqında məlumat:

1) AzXP deputatlığına ilkin olaraq öz namizədliyini irəli sürən şəxslərin sayı: 260 (iki yüz altmış);
2) AzXP Nizamnaməsinin 5.3-cü maddəsinə əsasən namizədliyi qeydiyyata alınan şəxlərin sayı: 213 (iki yüz on üç);
3) AzXP Nizamnaməsinin tələblərini pozduğuna görə namizədliyi ləğv edilən şəxslərin sayı: 36 (otus altı);
4) AzXP-yə seçkilərin təbliğat və təşviqat mərhələsində namizədliyini geri götürən şəxslərin sayı: 2 (iki);
5) AzXP seçki bulleteninə vahid siyahı üzrə daxil edilən namizədlərin sayı: 175 (yüz yetmiş beş);
6) Səsvermə prosesi başlandıqdan sonra seçki prosesindən geri çəkildiyini bəyan edən namizədlərin sayı: 2 (iki);

II. AzXP-nin birinci çağırışına seçkilərdə iştirak edən seçicilərin ümumi səs sayı haqqında məlumat:

1) Seçiçilər təqdim olunan ümumi siyahıda minimum 20 namizədə səs verə bilərdi;
2) AzXP Nizamnaməsinin 5.4-cü maddəsinə əsasən seçiçilər təqdim olunan ümumi siyahıda maksimum yarısı qədərinə (87 nəfərə) səs vermək hüququna malik idi;
3) AzXP-yə birinci çağırış üzrə keçirilən seçkilərdə qeydə alınan ümumi səslərin sayı: 493141 (dörd yüz doxsan üç min yüz qırx bir);
4) Səsvermə prosesi başlandıqdan sonra seçki prosesindən geri çəkilmiş namizədlərlə əlaqədar nəzərə alınmayan səslərin sayı: 6404 (altı min dörd yüz dörd);
5) AzXP-yə keçirilən seçkilərdə qeydə alınan etibarlı səslərin sayı: 486737 (dörd yüz səksən altı min yeddi yüz otuz yeddi);

III. AzXP-nin birinci çağırışına seçkilərdə qeydə alınan namizədlərin topladıqları səslər - 1 saylı Əlavədə.

IV. AzXP-nin birinci çağırışına seçkilərdə ən çox səs toplayan və AzXP-yə deputat seçilən namizədlərin (namizədlərin ümumi siyahısının 50%-i, 87 nəfərin) adları və topladıqları səslər - 2 saylı Əlavədə.

Əlavə:
1) 1-saylı Əlavə: Azərbaycan Xalq Parlamentinə seçkilərdə iştirak edən adbaad 175 namizədin topladığı səslərin hesabatı - 26 səhifədə;
2) 2-saylı Əlavə: Azərbaycan Xalq Parlamentinə seçilmiş 87 deputatın siyahısı – 9 səhifədə.

Azərbaycan Xalq Parlamenti Seçki Komissiyası​​​ 29.12.2024-cü il.

Sədr: Əlizadə Rasim
Katib: Mehdiyeva Kəmalə
Üzv: Ömərov Oqtay
Üzv: Abbasov Cavanşir


Seçkilərin nəticələrinə görə seçilən 87 deputanın siyahısı ilə bu LİNKDƏN tanış ola bilərsiz.