USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Telefonlarına Zəng Çatmayan Jurnalistlərdən Oxuculara Müraciət: “Bir gün o telefonlar açılacaq”
Bu gün – Beynəlxalq Mətbuat Azadlığı Günündə “Abzas Media”nın həbsdə olan əməkdaşları ictimaiyyətə müraciət edərək müstəqil medianın hazırkı vəziyyətinə diqqət çəkiblər. Jurnalistlər qələmə aldıqları yazıda azad medianın boğulması, jurnalistlərin həbsi və cəmiyyətin informasiya hüququnun pozulması məsələlərinə toxunublar.
Məqalədə qeyd olunur ki, “Abzas Media”nın əməkdaşları artıq 1 ildən çoxdur həbsdədir və bu səbəbdən ictimaiyyətlə əlaqə qurmaq imkanları məhduddur. Onlar bildirirlər ki, 2022-ci ildə qüvvəyə minmiş “Media haqqında” qanunla başlayan təzyiqlər azad medianı sıradan çıxarmağa yönəlib. Jurnalistlərə görə, bu qanunla hökumət media üzərində tam nəzarət qurmaq istəyir və yalnız öz maraqlarını müdafiə edən informasiya vasitələrinə yol açır.
Məqalə müəllifləri – Ülvi Həsənli, Sevinc Vaqifqızı, Elnarə Qasımova və Nərgiz Absalamova – hazırda 24 jurnalistin həbsdə olduğunu, “Abzas Media” ilə yanaşı “Kanal13”, “Toplum TV”, “Meydan TV” kimi media qurumlarına qarşı da repressiyaların davam etdiyini qeyd ediblər.
Jurnalistlər ictimaiyyətə çağırış edərək, şahidi olduqları hadisələri çəkib azad media orqanlarına göndərməyə və müstəqil medianın yaydığı materialları paylaşmağa səsləyiblər. Məqalə imzaya açıq elan edilib – oxuculardan yazıda deyilənlərlə razı olduqları təqdirdə, ad və soyadlarını şərhlərdə yazaraq dəstək vermələri xahiş olunub.
“Bizə zəng çatmasa da, siz zəng etməyə davam edin. Bir gün o telefonlar açılacaq” – yazıda belə deyilir.
