Azərbaycan Avtomobil Yolları Dövlət Agentliyində (AAYDA) daha bir maraqlı təyinat baş verib. Agentliyin Şabran rayonu üzrə “3 nömrəli Yol İstismar” İdarəsinin rəisi Rafiq Kərimov vəzifəsindən azad olunub. Bu barədə AAYDA İdarə Heyətinin sədri Saleh Məmmədov tərəfindən müvafiq əmr imzalanıb.

Ən diqqətçəkən məqam isə boş qalan vəzifəyə verilən yeni təyinatdır. Belə ki, Agentlik sədrinin digər əmri ilə həmin vəzifəyə Elməddin Rafiq oğlu Kərimov təyin olunub. Yeni rəis işdən azad edilən Rafiq Kərimovun oğludur.

Atanın yerinə oğulun təyin edilməsi sosial şəbəkələrdə və ictimaiyyətdə müzakirələrə səbəb olub. Bu hal Azərbaycanda kadr siyasətinə dair suallar doğurur və şəffaflıq prinsiplərinə zidd kimi qiymətləndirilir.

Hadisə “ailəvi idarəçilik” və nepotizm nümunəsi kimi dəyərləndirilir.

Xəbərin dəqiqləşməsi və əlavə təfərrüatlar üçün AAYDA-nın rəsmi mövqeyini almağa çalışırıq.