USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycandan Ermənistana neft məhsullarının ilk partiyası yola salınıb
Azərbaycandan Ermənistana göndərilən neft məhsullarının ilk partiyası Bakı Yük Stansiyasından yola salınıb.
Məlumata görə, 22 vaqona yüklənmiş ümumilikdə 1 220 ton “Aİ-95” markalı avtomobil yanacağı əvvəlcə Biləcəri stansiyasına çatdırılıb, daha sonra isə “Azərbaycan Dəmir Yolları” QSC-nin (ADY) yük qatarı ilə Böyük Kəsik stansiyası istiqamətində hərəkətə başlayıb. Yükün axşam saatlarında Ağstafa rayonunda yerləşən Böyük Kəsik stansiyasına çatdırılması nəzərdə tutulur. Daha sonra neft məhsulları Gürcüstan ərazisindən tranzit keçməklə Ermənistana göndəriləcək.
Qeyd edək ki, Azərbaycan Prezidenti İlham Əliyevin oktyabr ayında imzaladığı qərarla işğal dövründən bəri qüvvədə olan Azərbaycandan Ermənistana yüklərin tranziti ilə bağlı məhdudiyyətlər aradan qaldırılıb. Həmin qərardan sonra bu istiqamətdə daşımalar mərhələli şəkildə bərpa olunur.
Bu göndərişlə Azərbaycan Dövlət Neft Şirkəti (SOCAR) ilk dəfə olaraq yerli mənşəli neft məhsulunun Ermənistana tədarükünü həyata keçirib.
