USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Narkotikin təsiri altında avtomobil idarə edən sürücü saxlanılıb
Abşeron rayonunda narkotik vasitələrin təsiri altında avtomobil idarə edən sürücü saxlanılıb.
Abşeron Rayon Polis İdarəsinin Dövlət Yol Polisi Şöbəsinin əməkdaşları tərəfindən yol hərəkəti qaydalarını pozduğuna görə “Toyota” markalı, 77-KJ-867 dövlət qeydiyyat nişanlı avtomobilin sürücüsü Kamran Bədəlov saxlanılıb. Yoxlama zamanı sürücünün davranışları şübhə doğurduğundan o, tibbi müayinəyə cəlb edilib.
Müayinə nəticəsində Kamran Bədəlovun narkotik vasitə qəbul etdiyi müəyyən olunub. Faktla bağlı sürücü barəsində inzibati protokol tərtib edilərək məhkəməyə göndərilib.
Məhkəmənin qərarı ilə K.Bədəlov 20 sutka müddətinə inzibati qaydada həbs edilib.
Bildirilib ki, həmin şəxs daha əvvəl də avtomobili narkotik vasitələrin təsiri altında idarə etdiyinə görə məsuliyyətə cəlb olunub.
