USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Naxçıvanda elektrik işçiləri iş yükünün artdığını və maaşlarının kəsildiyini bildirir
Naxçıvanda elektrik şəbəkəsində çalışan bir qrup işçi, yerli idarələrin “Azərişıq” ASC-nin tabeliyinə verilməsindən sonra iş yükünün ikiqat artdığını və maaşlarının azaldığını iddia edir. İşçilər həmçinin təhqir və alçaldıcı rəftarla üzləşdiklərini, işdən çıxarılan işçilərin yerinə “saxta adlar” yazılaraq əməkhaqqının mənimsənildiyini bildirirlər.
Şikayətçilər qeyd edirlər ki, əvvəl 4 nəfərin nəzarət etdiyi sahələrə indi 2 nəfər baxır, amma maaş və digər ödənişlər azaldılıb. İşçilər həmçinin iş vaxtı bitdikdən sonra da qaldırılmaqla hədələndiklərini iddia edirlər.
Məsələ ilə bağlı “Azərişıq” ASC-dən rəsmi münasibət almaq mümkün olmayıb. Qeyd olunur ki, Naxçıvanda elektrik enerjisinin təchizatı bu ilin əvvəlindən “Azərişıq” ASC-yə həvalə olunub.
