USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Arayik Harutyunyan: “Kəlbəcərdəki Tunel və Bəylik bağı hadisələri hərbi cinayətlərdir”
Bakı Hərbi Məhkəməsində Ermənistan vətəndaşlarının cinayət işi üzrə son sözünü deyən təqsirləndirilən Arayik Harutyunyan bildirib ki, Kəlbəcərdə baş verən Tunel və Bəylik bağı hadisələri hərbi cinayətlərdir.
O qeyd edib: “Mən çox məlumatlı adamam. Amma, Kəlbəcərdəki Tunel hadisəsini burada bildim. Məsələn, Bəylik bağı hadisəsini burada bilmişəm. Əlbəttə, bunlar hərbi cinayətlərdir və öz günahkarları var. Əgər günahkarlar bu dünyada cəzalanmayıblarsa, o biri dünyada öz əməllərinə görə cəzalanacaqlar”.
Qeyd edək ki, məhkəmə Ermənistanın hərbi təcavüzü nəticəsində törədilən sülh və insanlıq əleyhinə cinayətlər, müharibə cinayətləri, soyqırımı, terrorçuluq və digər çoxsaylı cinayətlərlə bağlı təqsirləndirilən şəxslərin işini araşdırır.
