USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Hökməli və Qobu qəsəbələrində avtomobil yollarının əsaslı təmiri üçün vəsait ayrılıb
Abşeron rayonunun Hökməli və Qobu qəsəbələri ərazisində avtomobil yollarının əsaslı təmiri məqsədilə Azərbaycan Avtomobil Yolları Dövlət Agentliyinə ilkin olaraq 1,4 milyon manat vəsait ayrılıb.
Bununla bağlı Prezident İlham Əliyev Sərəncam imzalayıb.
Sərəncama əsasən, Maliyyə Nazirliyinə ayrılmış məbləğdə maliyyələşməni təmin etmək tapşırılıb. İqtisadiyyat Nazirliyinə isə avtomobil yollarının əsaslı təmirinin davam etdirilməsi üçün zəruri maliyyə vəsaitinin Azərbaycan Respublikasının 2026-cı il dövlət büdcəsi layihəsində dövlət əsaslı vəsait qoyuluşu xərclərinin bölgüsündə nəzərdə tutulması həvalə edilib.
Nazirlər Kabineti Sərəncamdan irəli gələn məsələlərin həlli üçün müvafiq tədbirlər görəcək.
