USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bu il narkotiklə bağlı 7 441 cinayət faktı aşkarlanıb
2025-ci ilin yanvar–noyabr ayları ərzində hüquq mühafizə orqanları tərəfindən narkomanlığa və narkotik vasitələrin qanunsuz dövriyyəsinə qarşı mübarizə sahəsində həyata keçirilmiş kompleks əməliyyat-axtarış tədbirləri nəticəsində ümumilikdə 7 441 cinayət faktı aşkarlanıb.
Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupundan məlumat verilib.
Aşkarlanan faktlardan 2 403-ü narkotik vasitələrin qanunsuz satışı, 4 850-si narkotik vasitələrin qanunsuz əldə edilib saxlanılması, 186-sı narkotik tərkibli bitkilərin qanunsuz əkilib becərilməsi, 2-si isə bu kateqoriyadan olan digər cinayətlərlə bağlı olub.
Görülən tədbirlər nəticəsində ümumilikdə 8 ton 334 kq 712,932 qram narkotik vasitə və psixotrop maddə qanunsuz dövriyyədən çıxarılıb. Onların 7 ton 037 kq 413,78 qramı marixuana, 745 kq 500,982 qramı heroin, 144 kq 728,924 qramı tiryək, 75 kq 384,242 qramı həşiş, 153,551 qramı kokain, 181 kq 871,261 qramı digər narkotik vasitələr, 149 kq 660,186 qramı isə psixotrop maddələr olub.
Bundan əlavə, hesabat dövründə 15 516 ədəd metadon, 18 938 ədəd çətənə bitkisi, eləcə də 1 kq 111,692 qram, 108 həb və 39 kapsul güclü təsir edən maddə qanunsuz dövriyyədən götürülüb.
