USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Azər Qasımlı işi”: Zərərçəkən hədə-qorxu iddiasına sübut təqdim edə bilmədi
Dekabrın 17-də Bakı Ağır Cinayətlər Məhkəməsində Siyasi Menecment İnstitutunun həbsdə olan direktoru Azər Qasımlının cinayət işi üzrə məhkəmə prosesi davam edib.
Hakim Telman Hüseynovun sədrliyi ilə keçirilən iclasda sənədlərin tədqiqi mərhələsi aparılıb. Müdafiə tərəfi zərərçəkən Qurbanəli Yusifova suallar ünvanlayıb. Məlum olub ki, Yusifov A.Qasımlının onu ofisdə və Türkiyədəki mafiya vasitəsilə təhdid etdiyini iddia etsə də, bu iddialarını təsdiqləyən fiziki sübut və ya hal şahidi təqdim etməyib. Həmçinin, ibtidai istintaq və məhkəmə ifadələri arasında ciddi ziddiyyətlər olduğu aşkar edilib.
Azər Qasımlı ittihamı rədd edir və həbsinin ictimai-siyasi fəaliyyəti ilə bağlı olduğunu bildirir. Onun həyat yoldaşı Samirə Qasımlı qeyd edib ki, borc məsələsi ilə bağlı hədə-qorxu iddiası əsassızdır və bütün ödəniş razılaşmaları qanuni qaydada həyata keçirilib.
Məhkəmə prosesi dekabrın 24-də davam etdiriləcək. Azər Qasımlı Cinayət Məcəlləsinin 182.2.3-cü maddəsi ilə ittiham olunur.
