USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Beynəlxalq təşkilatlar Bəhruz Səmədovun azad edilməsini tələb edib
Beynəlxalq insan hüquqları təşkilatları – “Scholars at Risk”, “Amnesty International” və Norveç Tələbələri və Akademiklərinin Beynəlxalq Yardım Fondu (SAIH) Azərbaycanda həbsdə olan akademik və sülh fəalı Bəhruz Səmədovun azadlığa buraxılması üçün prezident İlham Əliyevə müraciət edib.
Müraciətdə bildirilir ki, Səmədov Azərbaycan-Ermənistan münaqişəsi ilə bağlı araşdırmalar apardığı üçün “dövlətə xəyanət” ittihamı ilə həbs olunub və həbs zamanı təkadamlıq kamerada saxlanılıb. Təşkilatlar onun psixi və fiziki vəziyyətindən ciddi narahatlıqlarını ifadə edib və həbsin akademik azadlıq və ifadə azadlığı hüquqlarına zidd olduğunu qeyd ediblər.
Bəhruz Səmədov 2024-cü il avqustun 21-də həbs olunub və 2025-ci il iyunun 23-də Bakı Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib. Dekabrın 1-də o, Umbakı Penitensiar Kompleksinə köçürülüb.
Beynəlxalq təşkilatlar Azərbaycanın Sülh və insan hüquqları öhdəliklərinə uyğun olaraq, Səmədovun dərhal azad edilməsini tələb ediblər.
