USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
ABŞ “Green Card” lotereyasını müvəqqəti dayandırdı
ABŞ hakimiyyəti Braun Universitetində baş verən atışmada şübhəli bilinən şəxsin ölkəyə “Green Card” lotereyası vasitəsilə daxil olması səbəbilə proqramın icrasını müvəqqəti dayandırıb.
Bu barədə ABŞ-ın daxili təhlükəsizlik naziri Kristi Noem “X” sosial şəbəkəsində açıqlama verib. Nazir bildirib ki, ABŞ Prezidenti Donald Trampın göstərişi ilə Vətəndaşlıq və İmmiqrasiya Xidmətinə (USCIS) DV-1 proqramlarının dərhal dayandırılması əmr olunub.
Noemin sözlərinə görə, bu addım amerikalı vətəndaşların “bu zərərli proqram səbəbindən artıq zərər görməməsi” üçün atılıb.
Qeyd olunur ki, Braun Universitetindəki atışmada şübhəli bilinən Klaudio Nevis Valenti 2017-ci ildə “Green Card” lotereyası vasitəsilə ABŞ-a gəlib və yaşıl kart əldə edib.
