Dostlar, bu gün Dövlət Gömrük Komitəsindən mənə zəng edildi.Zəng edən şəxs məlumat verdi ki, bəs gömrükdə adınıza olan şirkətdən bizə daxil olan rüsum 20.000 manatdan çoxdur.Həmin rüsum ödənilməlidir.
Mən bildirdim ki, bəy, adıma açılan saxta şirkətlərlə bağlı vergi cinayyətlərinə rəsmi sənədlər daxil edilib və İbtidai Vergi Cinayətləri Araşdırılması İdarəsində araşdırma aparılır.

Faktiki olaraq adıma açılan şirkətlərlə bağlı məlumatım yoxdur.Baş vermiş vergi cinayətindən xəbərsizəm.

Zəng edən şəxs bildirdi ki, bəs sizin işi o zaman veririk Baş Prokurorluğa. Onlar araşdırıb hüquqi qiymət versinlər.

Mən də öz növbəmdə bildirdim ki, Vergi Cinayətlərinin Araşdırılması İdarəsində işimi araşdıran şəxslə əlaqə saxlayın.
Zəng edən şəxs bildirdi ki, Baş Prokurorluq məsələni araşdıracaq. Onların işinə mən qarışmıram.

Əvvəlki yazılarımda qeyd etdiyim kimi, özümün də bilmədən milyonluq şirkətlərim peyda olub. Həmin şirkətlərin təsis olunması zamanı mən ölkə xaricində olmuşam (Türkiyə Respublikası, İstanbul şəhəri Kadıköy, Moda caddəsi dördüncü dalan).

Dünən isə Əvəz Zeynallı və Elnur Şükürovun Məhkəmə prossesində iştirak etmək üçün Bakı Ağır Cinayətlər Məhkəməsində oldum. Məhkəmə zalına girə bilmədiyim üçün həmin ünvanın qarşısındakı kiçik Çay evinin həyətində çay içmək üçün Servan Kerimov, Elcin Qara və digər bir neçə şəxslə stolda əyləşdik. Bir neçə dəqiqə sonra bir nəfər hündür boylu, qara dəri gödəkçəli şəxs gəldi tək yan stolda əyləşdi. Biz söhbət edirdik. Əvvəl fikir vermədim. Həmin şəxs qulağında qulaqcıq telefon qurdalayırdı. Arada isə bizim stola baxırdı. Düşündüm ki,məhkəmə prossesinə gəlib yəqin gedişatı ümumi izləyir. Sonra məhkəmə bitdi hamımız durduq getdik zalın çöl çıxışına. Geri çevriləndə telefonla hamı kimi həmin şəxsin də çəkiliş etdiyini gördüm.Fikir vermədim. Lakin, Məlahət Qisuri Zeynallı xanımla söhbət etdikdən sonra hərə öz ünvanına yola düşdü. Bu zaman Elchin Rahimzadə bəy və digərlər sadaladığım şəxslərlə küçənin sonuna addımladıq.

Yuxarıda qeyd etdiyim mülki geyimli şəxs mən hara addım atırdımsa arxamca gəlirdi. Əvvəlcə düşündüm yəqin təsadüfdür. Biz artıq yola düşəndə həmin şəxs gəlib bizi keçib asta-asta getdi və uzaqlaşdı. Sərvan Kərimov və Elçin Qara bəy də şahid oldular ki, həmin şəxs dönsə də daha sonra digər 2 nəfər peyda oldu. Biz üçümüz birlikdə 28 may metrosunun ikinci çıxışına doğru getdik. Həmin iki şəxs svetafora (işıqfor) qədər gəldilər sonra isə yoxa çıxdılar.

Amma, məsafə uzaq olduğundan həmin iki şəxsin üzünü aydın görə bilmədim. Hansı qurumun əməkdaşı olmasını hər üçümüz dəqiq bilmədik.

Belə başa düşürəm ki, məqsəd məni uzun müddətli həbsə göndərməkdir.

Ramin Əliyev