USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Keçmiş məhkum 5 kiloqrama yaxın narkotiklə saxlanıldı
Zaqatala Rayon Polis Şöbəsinin əməkdaşları tərəfindən narkotik vasitələrin qanunsuz dövriyyəsinə qarşı əməliyyat tədbiri keçirilib.
DİN-in Mətbuat Xidmətinin Şəki regional qrupundan bildirilib ki, tədbir zamanı əvvəllər analoji və digər cinayət əməllərinə görə məhkum olunmuş 62 yaşlı Elmi Məmmədov saxlanılıb. Onun üzərində və əlində olan bağlamaya baxış zamanı ümumilikdə 4 kiloqram 300 qrama yaxın marixuana və tiryək aşkar edilərək götürülüb.
E.Məmmədov verdiyi ifadəsində narkotik vasitələri sosial şəbəkələr vasitəsilə tanış olduğu, şəxsiyyəti istintaqa məlum olmayan İran vətəndaşından satış məqsədilə əldə etdiyini bildirib.
Faktla bağlı cinayət işi başlanılıb. Təqsirləndirilən şəxs barəsində məhkəmənin qərarı ilə həbs qətimkan tədbiri seçilib. Araşdırmalar davam etdirilir.
