Rəfael Bayramov adlı şəxs dünən 3 mülki geyimli "Bandotdel" əməkdaşları tərəfindən 28 may metrosu istiqamətində oğurlandığını, önünə bir "salofan nəşə" qoyularaq hədə qorxu gəlindiyini yazlb. Sonra polislərin onu yerə yıxıb döyməyə çalışdıqlarını, böyük bir dubinka göstərib, "bunu sənə soxacağıq" deyib qorxutmağa çalışdıqlarını bildirib. Daha sonra dostunun vasitəsiylə 5 min manat ödəyərək oradan qurtulduğunu deyib. Sosial şəbəkədəki uzun statusundan sonra bu gün isə yazıb ki, dünən yazdıqları yalandır və hamıdan silməsini xahiş edib. Azərbaycan vətəndaşlarını bu cür mafioz üsullarla alçaldan, narkotik, dubinka ilə qorxudan, şər-böhtan mexanizmi DİN və onun "BANDİTizm" qurumundan kimə şikayət etmək olar?! İlham Əliyev deməyin, o Azərbaycan polisini hər zaman qoruyacağını bildirib.



Həbib Münntəzir

Rəfael Bayramov adlı şəxsin paylaşdığı postu olduğu kimi yayırıq:

“Salam.
Bugün axşam saatlarında 3 nəfər mülki geyimli şəxslər 28may metrosu qarşısında mənə yaxınlaşıb,Rövşən adı ilə məni #BMCMİ (banditizm) aparmağa çalışdılar.Mən məsələnin nə olduğunu anlamasam da,adım Rövşən olmadığını və hansı səbəbdən Rafaeli banditizmə aparmaq istədiklərini soruşdum. Şəxsiyyət vəsiqəmi göstərib Rafael olduğumu bildirdim.Bu dəfə gedək araşdırarıq deyib məni öz maşınlarına mindirib #BMCMİ nə gətirdilər. Binaya daxil olanda, orada mülki geyimli şəxslər mənə diş qıcıdıb hərəsi bir əl qol atmağa başladılar. Uzun mübahisədən sonra mənim qabağıma bir salafan narkotik nəyşə qoydular və "bunu səndən götürmüşük deyib mənə hədə qorxu gəlməyə başladılar. Adları ; Rza,Ayxan və Ramin(otaqda Elçin deyirdilər) olan şəxslər bir neçə nəfəri də çağırıb Əməliyyat Müvəkkili otağında məni yıxıb döyməyə çalışdılar. Böyük bir dubinka göstərib,"bunu sənə soxacağıq" deyib qorxutmağa çalışdılar.
Nəhayət məni siqaret çəkmək adı ilə Ramin(otaqda Elçin) otaqdan çıxarıb bazarlığa başladı.Nə qədər günahsız olduğumu izah etsəm də adamların pul sevdası vicdanlatına qalib gəldi.
Kimsəsiz tək yaşadığımı bilib, telefonumu açıb, "bacılarına xəbər verək səni tutmuşuq" deyə alçaltmağa çalışdılar...

Çarəsiz,təklənmiş olduğumu görüb onların təkidi və istəyi ilə bir dostuma(Həsən) zəng edib 5.000azn tapmasını və banditizmə gətirməsini xahiş etdim.Tək məqsıdim o gözü dönmüş adamların əlindən xilas olmaq idi Dostum gətirib 5000 azn Ayxan adlı şəxsə verib məni çıxardı.

İndi məni narahat edən odur ki, salafan torba ilə narkotiki olan şəxslər məndən(dostumdan) 5000 azn qol gücünə pul aldılar. Çıxanda isə Şəxslərdən biri(Ramin) mənə öz nömrəsini kağıza yazıb verdi ki, "biz daha səninlə dost olduq,nə problemin olsa zəng et"...

Adamlar məni heç bir səbəb olmadan, kimsəsiz olduğumu bilib və hansısa şikayətimə cavab olaraq yükləyib, dost yanında borclu etdilər. Həm də işlədiyim kollektivin (28may) gözü önündə...

Təbii ki,çıxan kimi #161 korrupsiya idarəsi və #102 #DİN qaynar xəttinə baş verənləri danışdım.

Hadisə 28 aprel təxminən 19:00 radələrində baş verib.

Hazırda #BMCMİ əməkdaşlarının şəxsi ehtiyacları ucbatından dostuma 5000 azn borclanmışam.

Dövlət aydın şəkildə xəbərdardır ki, 13 ildir tək yaşayan, valideynlərini uşaq ikən itirən, illərdir bütün qazancını dövlətə köçürən Rafael Bayramov bu dostun 5000 azn borcunu qaytara bilməyəcək.

Bütün dünyaya subutum var ki, bugün baş verənlər sırf acgözlük ucbatından törədilib və tamamilə absurd ittihamdır. Bütün ətrafım, tanıyanlar bilir ki bu hadisə yanlış anlaşılma ilə baş verib, Əməkdaşlar eşidiblər Rafael Mercedes Vito alıb,lakin kimsə bilməyib ki, Rafael binada evini satıb,ehtiyaclarını ödəyib, qalan pula maşın alıb maşında yaşayır...

Sualım - qürurlu,savadlı,vicdanlı hüquqşünaslaradır; mən bu vicdansızlıqdan necə xilas olum??
Dostun 5000 manatını mənim adıma- Ayxan,Rza və Ramin adlı şəxslər aldılar. Mən bu pulu necə yerinə bərpa edim??”