USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qolları iflic, köməksiz yemək yeyə, su içə, çimə, tualetə gedə bilməyəni həbsə atan Binəqədi Məhkəməsinin hakimi Vüsal Tağıyev
3 azyaşlı uşaq atası, qolları iflic, köməksiz yemək yeyə, su içə, çimə, tualetə gedə bilməyən, müxalif çıxışlarına görə Binəqədi RPİ-nin 40-cı Polis Bölməsinin polis əməkdaşları tərəfindən şərlənən 1-ci qrup əlil Famil Xəlilov Famil barəsində həbs qətimkan tədbirinin seçilməsi barədə qərar verən Binəqədi Rayon Məhkəməsinin hakimi Vüsal Tağıyevdir.
Belə hakimlər barəsində düşünəndə yadıma Bakı Ağır Cinayətlər Məhkəməsinin hakimi Həsən Əliyev düşür. Dələduzluqda ittiham olunub, 7 il müddətinə azadlıqdan məhrum edilmişdi, göndərilmişdi 9 saylı “zon” -a.
Deyəsən, bir dəfə yazmışdım: demək, günün birində dustaq yoldaşımlarından biri ibtidai və məhkəmə istintaqı zamanı başına gətirilən oyunlar barədə dələduz hakimə danışır…
Məhkum Həsən Əliyev “sarsıntı” içində köks ötürüb, “Hansı vicdansız hakim sənin işinə baxıb?” sualını verir.
Dustaq da “Müəllim, yəqin yadınızdan çıxıb, Bakı Ağır Cinayətlər Məhkəməsində işimə baxan hakimlərdən biri siz idiniz də…”Dustaqlar gülə-gülə mənə danışırdılar ki, dələduz Həsən Əliyevin rəngi qıpqırmızı olub, əlavə heç bir reaksiya vermədən kənara çəkilib.
Nə isə ki, hüququn və qanunun real məna daşımadığı bu diyarda ilahi ədalətə sığınıb, bir hüquq fəalı olaraq sidqi-ürəkdən ifadə edirəm: Vüsal Tağıyev, sizə təxminən dələduz Həsən Əliyevin aqibətini, yaşadıqlarını diləyirəm.
