USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AZAL təyyarə qəzası ilə bağlı istintaqın müddətinə aydınlıq gətirilib
“Azərbaycan Hava Yolları” QSC-nin (AZAL) Bakıdan Qroznıya reys həyata keçirərkən qəzaya uğramış təyyarəsi ilə bağlı aparılan istintaqın müddəti beynəlxalq qaydalara əsasən məhdudlaşdırılmır.
Bu barədə AZAL-ın vitse-prezidenti İlham Əmirov jurnalistlərə açıqlamasında bildirib. Onun sözlərinə görə, beynəlxalq aviasiya qanunvericiliyində qəza hadisələri üzrə istintaqın bir il ərzində başa çatdırılması tövsiyə olunur, lakin bu, məcburi xarakter daşımır.
İ. Əmirov qeyd edib ki, təhqiqatın nəticələri son dərəcə vacib olduğu üçün istintaqın obyektiv və əhatəli aparılması əsas şərtdir. Zərurət yarandıqda təyyarənin ayrı-ayrı hissələri, cihaz və aqreqatları xüsusi institutlarda detallı şəkildə araşdırılır və bu proses uzun zaman apara bilər.
Vitse-prezident vurğulayıb ki, bəzi hallarda qəza ilə bağlı araşdırmalar illərlə davam edə bilər. Beynəlxalq standartlarda vaxt məhdudiyyətinin qoyulmamasının səbəbi də istintaqın tələskənlikdən və qeyri-obyektiv yanaşmadan qorunmasıdır.
